كيف أشتغل
قبل الحل،
لازم تشخيص.
هذي الطريقة اللي أشتغل فيها مع كل براند. سواء طلع الحل موقع، نظام، حملة، أو إعادة Positioning، الخطوات نفسها، والترتيب نفسه.
أفهم قبل لا أقترح.
أول خطوة مو اقتراح، أول خطوة سماع. أبي أعرف البراند من جوا قبل ما أحكم عليه من برا.
- نجلس مع الفريق ونسمع كل قسم على حدة
- نراجع الأرقام والبيانات المتوفرة
- نمشي رحلة العميل من أول إعلان لآخر تواصل
- نسمع العملاء نفسهم، مو بس اللي يقال عنهم
وش تطلع فيهصورة واضحة عن وين البراند الحين، بدون تجميل.
أدور على السبب، مو العرض.
قلة المبيعات عرض. ضعف التفاعل عرض. السؤال الحقيقي: وش اللي يسببها؟ وهنا غالبا تطلع المفاجأة.
- نفرق بين اللي نشوفه واللي يسببه
- نحدد بالضبط وين تنكسر رحلة العميل
- نرتب المشاكل حسب أثرها، مو حسب صوتها
وش تطلع فيهتشخيص مكتوب: وش المشكلة الحقيقية، وليش.
أختار الحل بعد ما أفهم.
بعد التشخيص، الحل يصير أوضح بكثير. وأحيانا القرار الأهم يكون: وش اللي ما راح نسويه.
- نقارن الخيارات بصراحة، مع كل إيجابياتها وسلبياتها
- نحدد الأولويات حسب الأثر والجهد
- نتفق على شكل النجاح قبل ما نبدأ
وش تطلع فيهخطة بأولويات واضحة، مو قائمة خدمات.
أبني اللي يحتاجه البيزنس فعلا.
هنا يبدأ التنفيذ، وكل قطعة أبنيها مربوطة بالسبب اللي اكتشفته. ما فيه شي ينبني لأنه حلو وبس.
هوية و Positioning
موقع أو متجر
نظام تشغيل
حملة
تعديل في التجربة
وش تطلع فيهحل شغال، يحل المشكلة اللي بدأت منها.
بصراحة، أنا مو مناسب للكل.
مناسب لك إذا
- عندك براند شغال، بس حاس إنه واقف مكانه
- جربت حلول كثير، والنتيجة نفسها
- تبي أحد يشوف الصورة كاملة، مو قطعة منها
- مستعد تسمع إجابة ممكن ما تتوقعها
مو مناسب لك إذا
- تبي أحد ينفذ بدون ما يسأل
- تدور على أرخص عرض في السوق
- تبي نتيجة سريعة بدون ما نفهم السبب
- قررت الحل مسبقا، وتبي أحد يوافقك
أسئلة تتكرر
يمكن تسأل…
لازم أعرف وش مشكلتي قبل ما نتكلم؟
لا، أبدا. هذا بالضبط شغلي. يكفي تكون حاس إن فيه شي مو ماشي زي ما لازم.
تنفذ بنفسك، ولا تعطي توصيات بس؟
حسب المشروع. أحيانا نبني الحل كامل، وأحيانا أكون مع فريقك وأوجه التنفيذ. نتفق على هذا في مرحلة القرار.
كم ياخذ التشخيص؟
يعتمد على حجم البيزنس وعدد الأقسام اللي نحتاج نفهمها. نحدد المدة مع بعض من أول جلسة.
وإذا طلع إني ما أحتاج أي شي؟
أقولك بصراحة. أحيانا أفضل قرار إنك توقف شي، مو إنك تضيف شي جديد.